മഴതുള്ളി എന്തിനാണ് നിറമുപേക്ഷിച്ചത്?
നിങ്ങള് നിറങ്ങളൂരികളഞ്ഞത് ആര്ക്കുവേണ്ടി?
മണ്ണില് ഇറ്റിറ്റ് വീണ് കുളിരായ് അരിച്ചിറങ്ങി
ഒരായിരം മൃതിയെ ജീവനാക്കിയ അമൃതായ്
നിറമില്ലാത്ത നിങ്ങള് ചോരയോ കണ്ണീരോ?
ആര്യന് കഥകള് എന്നില് സന്ദേഹം വിതറി
ദേവന്മാരുടെ കലഹമത്രേ ഇടി മിന്നലും മറ്റും
ചോരയും കണ്ണീരും മഴയാകാതെ തരമില്ലപ്പോള്
എന്തെ നിനക്കിപ്പോഴും ചോരയുടെ ഗന്ധമില്ലാത്തത് ?
എന്തെ നീ കണ്ണീരിന് ഉപ്പുരസം നല്കാത്തത് ?
ദേവന്മാരുടെ കലഹം നന്മയുടെ അനുഗ്രഹമോ?
ജീവനും ഭൂമിയുടെ അഴകും അവരുടെ ചെലവോ?
ഓരോ തുള്ളിയും കണ്ണീര് കണമെങ്കില്
ഓരോ ബിന്ദുവും ചോരക്കണമെങ്കില്
ആശിക്കുന്നു ദൈവങ്ങളിന് കലഹം
മ്രിതിക്കത് വിരാമവും ജീവന്നത് ആശയും
അതൊരു പരപ്പായ് ഭൂമിയെ പുതക്കട്ടെ.
സിദ്ദിക്ക്
No comments:
Post a Comment