യാത്ര

ജീവന്റെ യാത്ര പ്രണയത്തിന്റെ പാതയില്‍
പ്രണയമോ ജീവന്റെ യാത്രയുടെ പാതയില്‍
സീതയാം ആര്യ പുത്രിയെ കവര്‍ന്ന രാവണന്‍
തേടിയതെന്ത്, പ്രണയമോ, സീതയുടെ ഉടലോ?
കല്യാണ സൌഗന്ധികം തേടിയ ഭീമന്‍ തേടിയതാരെ
വെറും പുഷ്പമോ കൃഷ്ണയുടെ പ്രേമ ഹര്മ്യമോ?
കാളി ദാസന്റെ ശാകുന്തളം തേടിയതാരെ വെറും
ദുഷ്യന്തനാം മന്നനോ ശകുന്തളയുടെ പ്രണയമോ?
കുമാരനും, ലീലയും, ചണ്ഡാളയും ആനന്ദ ഭിക്ഷുവും
തേടുവതാരെ, ഗുരുവാം പ്രണയമോ , മോക്ഷമോ?
ഒട്ടിയ വയറുമായ് കടിപിടി കൂടുന്ന കോലങ്ങളെങ്ങും
തിരയുന്നതെന്തേ, റൊട്ടിയോ ജീവന്റെ പ്രണയമോ?

മൂട്ട പുരാണം

കിടക്കയില്‍ കുരുതി നിണത്തിന്‍
ചൂര് തേടുന്ന മാടന്റെ വരവായ്
മണത്തെത്തുന്ന മാടനായ് മൂട്ട
ചോരയുടെ ചുവന്ന നിറവും
കുടിച്ചവന്റെ കറുത്ത പുള്ളിയും
പേറുന്ന പ്രശ്നമാണീ മൂട്ട

കുലം മുടിപ്പിന്റെ പുതിയ വഴികളില്‍
കുതിച്ചു കൈകള്‍ പലവുരി ചുവരില്‍
തെറിച്ചു കൈകളാല്‍ വരച്ചു ചുവരുകള്‍
ചുവന്ന അതിരുകള്‍ നിറഞ്ഞ ദേശങ്ങള്‍
പടര്‍ന്നു ചോരതന്‍ പുതിയ ചിത്രങ്ങള്‍
വരച്ചതോ പാവം മൂട്ടതന്‍ ജീവനാല്‍

സിദ്ദിക്ക്

ജനന മരണങ്ങളുടെ നീളമാണ് ജീവിതമെങ്കില്‍
സുഖ ദുഖങ്ങളുടെ തുകയാണ് സ്വപ്നങ്ങലെങ്കില്‍
ജീവനില്ലാത്ത സ്വപ്നങ്ങളും സ്വപ്നങ്ങളില്ലാത്ത ജീവനും
പേറുന്നതാരാണ് ശവങ്ങളോ, ശവമഞ്ഞ്ജംങ്ങളോ ?

തീവണ്ടിയുടെ കൊലവിളി

കൂകി വിളിക്കുന്ന തീവണ്ടി യുടെ നിലവിളി
അഷ്ടമുടിയിലുയര്‍ന്ന നിലവിളിയുടെ അലകളായ്
കായലുകള്‍ ആറുകള്‍ പിന്നിട്ട നിലവിളി
പാളങ്ങള്‍ തെന്നിച്ചു നിപതിച്ച ബോഗികള്‍
പെരുമണ്ണിലും പിന്തുടര്‍ന്ന ആര്‍തനാദമായ്
ഓരോ നിലവിളിയുമോരോ കൊലവിളിയായ് ....